2017 tashi nung Central mapa lakh 2 kümtettsü

New Delhi, April 25 (Agencies): Sorkar mapa bushirtem atema osang tajung kaji, Centre sorkari parnok indang department balala nung  mapa tasen lakh 2 kümtettsü.
Centre-i 2016-17 küm atema budget nung tang mapa nung alir lakh 33.05 nung mapa tasen lakh 2.18 bendenloktsü latetogo.
Home ministry-i 2017 küm tang mapa 22,006 aliba nung ano mapa tasen 5,635 bendenloktsü. Iba den kasa police department nunga 2015 küm mapa 10,75,341 aliba nungi 2017 küm mapa tali 47,264 bendenloktsü, ta sorkari ashi.
Defence ministry nung tang mapa 51,084 aliba nungi ano mapa tali 10,894 bendenloktsü atema budget nung Union Finance Minister,  Arun Jaitley-i benoka lir.
Minister of state for personnel, public grievances & pensions, Jitendra Singh-i, “Nüngdaka alibatem nung sorkari mapa tasen tentettsü atema bilemer. Centre sorkari amenoka alibatem nung mapa tasen atema budget nung benokba ajanga yimsüsübaren nung yaritsü,” ta metetdaktsü.
Maneni 2017 küm tashi nung civil aviation ministry nung mapa tasen 1,080, department of atomic energy nung mapa tasen 6,353 aser external affairs ministry nung mapa tasen 2,072 kümtettsü.
Iba den kasa 2017 küm tashi nung Mines ministry nung mapa tasen 4,399 aser personnel ministry nunga mapa tasen 1,796 bendenloktsü.
Cabinet secretariat-i ministry ajak dang, Union cabinet aser committee tem dangi benokdang scheme ajak nung mapa kwi adokdaktsütettsü, iba osangji agüjang ta tuyua liasü.