2017 Tour de France Germany nungi tenzüktsü

Paris, December 22 (Agencies): 2017 Tour de France sentong Germany kübok Duesseldorf nungi tenzüka akatsü.
Tour de France ya France nung ayongba bicycle toktepa anishitsü tongti sentong ka lir. Küm 100 dak tema ayongba tetoktepba indang ‘Grand Depart’ sentong ya tan agi Germany nungi 4 ben buba aser bendanglen nungi 22 ben buba tenzüktsü renemer lir.
Iba sentong ya mezüngbo London nungi tenzüktsü renem saka London-i September ita titsüba yong tan Germany nungi tenzüktsü renemshiogo.
Ano külen, Sangküm, 2016 küm ‘Grand Depart’ sentong Mont Saint-Michel, Normandy, France nungi tenzüktsü sentong lir.