2018 FIFA World Cup Qualifier: Australia-i Bangladesh akok

Dhaka, November 17 (Agencies): Tim Cahill-i goal 3 tashi agüja hat-trick yangluba densema par Australia teloki goal 4-0 agi Bangladesh madak takok ngua 2018 World Cup qualifier asaya tanü Dhaka yimti nung asayaogo.
Tanü Asian Group B asaya nung shilem agiba jakdang goal 42 tashi agüja, par Australia asoshi goal timba agütsür akümsang, Cahill-i tanü asaya mezüngbuba shilem nung goal 3 tashi agütsüba sülen par Australia asoshi ajak agi goal 45 agütsür asayar kümogo.
Australia captian, Mile Jedinak-ia asaya mezüngbuba shilem nungsa 4 buba goal-ji agüja par telok nem takokbaji bener arutsü.
Asian champions, Australia-i tanü takok anguba densema asaya 6 tashi nung shilem agiba sülen ajak agi points 15 ajangzüka Asian Group B nung temaba jenjang nung alir telok kümogo.
Ajisüaka, tanü tamakok anguba densema asaya 6 nung tamakok aser asaya 1 draw nung tembangba Bangladesh teloki 2018 World Cup qualifying asaya nung joko shilem magitettsüsa jenjang tamajung ajuruogo.