2018 Mini Cooper Facelift India nung sayaogo

Monupii 26, 2018 (Agencies): Germany indang luxury gari yangluba company BMW-i parnok indang ‘Mini Hatch’ den külemi ‘Mini Convertible’ version tasenba Rogonü (Friday) India nung sayaogo aser gari anaprong jenjang ya lakh 29.7 nungi shir lakh 37.10 lakh (ex-showroom Delhi) asütsü. Diesel engine amenoka aliba ‘Mini 3-door Cooper D’ gari jenjang ya lakh 29.7 aser kasa model petrol version indang jenjang ji lakh 33.2 agi angutsü.
Mini 5-door Cooper D desiel engine model jenjang ji lakh 35 aser Mini Convertible Cooper S model ji lakh 37.10 (jenjang ajak ex-showroom) asütsü. Item model ajak ya ‘completely built-up’ (CBU) unit ama Mini dealership tem ajanga Aami (June) nungi tenzüka angutsü.
“Mini Hatch aser Mini Convertible gari tasenba sayaba ajanga India nung premium gari talisa segment tilatem tsüngda nung ‘Mini’ indang jenjang/position tali akangshitsü,” ta BMW Group India tir, Pawah-i ashi.