2018 Rock & Roll Hall Of Fame Nominee nung Bon Jovi, Radiohead aser Nina Simone nunger lir

October 06, 2017 (Agencies): 2018 küm atema Rock & Roll Hall Of Fame nung shimoktsü asoshi rock ken saburtemi vote agütsütsü asoshi kanga tasak kümogo, kechiaser iba Hall Of Fame nung inoktsüpur ya Bon Jovi, Radiohead, LL Cool J aser Nina Simone nunger amala kentenertem demsema parnok 19 shimteta lir.
Rock ken saburtemi candidate pongu atema ‘induction ballot’ nung vote agütsütettsü aser item kentener rongnung Rage Against The Machine aser Radiohead ya tasen lir. Kentener telok kar bo Rock & Roll Hall Of Fame nung induct asütsü atema mezüngbuba nominate süa lir saka J. Geils Band aser LL Cool J ya ponguben aser trokbenbuba nominate süogo.
Rock & Roll Hall Of Fame nung 2018 küm atema dang nominate süa aliba rongnung Bon Jovi ya tetemsü, ta nisung aikati züngshir aser iba telok ya iba konang atema 2008 aser 2011 küm nunga nominate asü. Iba konang totushi agütsütsü asoshi temsüa aliba kentenertem ya parnok indang mezüng kensep sayar küm 25 bo junger asütsüla aser Nominating Committee ajanga shimtsü. Rock ken saburtemi vote magütsü tsüngta historian, music industry nung mongin aser tang Hall of Fame nung alirtemi nominee tem shimteter.
Taruba küm Rock & Roll Hall Of Fame atema asürtem rongnungi nominate süa alirtemji Link Wary (2005 küm asü aser 1983 küm nungi temsüa liasü), Nina Simone (2003 küm asü) aser Sister Rosetta Tharpe (1973 küm asü aser 1963 küm nungi temsüa liasü) nungertem lir.
Taküm iba Hall Of Fame atema nominate süa alirtem wave band tasentem rongnung The Cars, Depeche Mode aser Eurythmics; British nunger rock ken atener Dire Straits, Judas Priest, The zombies aser The Moody Blues teloktem lir. Kija ken atener Kate Bushi-a iba nominee rongnung densema lir.
Michigan nungi rock ken atener MC5 ya asemben buba nominate süa lir aser New Orleans nungi funk ken atener telok The Meters ya pezüben buba nominate süa lir. Funk ken atener Rufus Featuring Chaka Khan ya tanaben buba nominate süa lir aser iba telok ya 2012 küm mezüng nominate asü.