2018 tashi nung Gram Panchayat ajunga nung internet agütsütsü: Sorkar

February 08, 2017 (Agencies): Shidi sen tajemba amshitsü nükjidong nung India sorkari gram panchayat lakh 2.5 nung internet agütsütsü, ta sorkari tanü Lok Sabha nung metetdaktsü.
BharatNet project indang mezüngbuba noklem ajanga taküm March ita tashi nung gram panchayat lakh ka, ali telong nung inokba Optical Fibre Cable (OFC) ajanga setdakteptsü, ta P P Chaudhary-i House nung ashi.
BharatNet project indang noklem tanabuba ajanga tanüngba gram panchayat lakh 1.5 nem iba internet ajanga tesendaktep ya 2018 küm December tashi nung inoktsütsü, ta paisa shisem.
2017 January 29 tashi nung Optical Fibre Cable (OFC) ya gram panchayat 76,089 nung inoktsüogo aser iba nung cable tasazük kilometre 1,72,257 amshiogo aser gram panchayat 16,355 nung broadband connectivity inoktsüogo, ta Chaudhary-i maneni metetdaktsü.