2018 World Cup qualifier: Australia-i goal 5-0 agi Bangladesh akok

Perth, Sept. 03 (Agencies): 2018 World Cup nung shilem agitsü jenjang ajangzüktsü asoshi tanü Brehostibar nü asayaba Asian confederation qualifying asaya nung Australia teloki goal 5-0 agi Bangladesh madak takok ngua shilem agiogo.
Australia teloki asaya mezüngbuba shilem nung goal 4 aser tanabuba shilem nung goal 1 agüja tanü goal 5 agi Bangladesh telok akok.
World No. 173 aser Asain Cup champions, Australia asayar, Mathew Leckie-i tanü asaya tenzüker minute 6 buba nung par telok asoshi mezüngbuba goal agtüsü.
Midfielder Tom Rogic-i tanabuba aser tasembuba goal minute 8 aser 20 buba nung agütsü aser Nathan Burns-i asaya mezüngbuba shilem tembangtsü mapang nung pezübuba goal agüja par Australia telok goal 4-0 agi temaba jenjang nung ajungkettsü.
Tesülen, asaya tenzüker minute 61 buba nung Aaron Mooy-i pungobuba aser takokba goal agüja par Australia telok nem takok bener arutsü.
Tan akokba ya densema Australia teloki asaya 2 tashi atonga koka par telok densemba group tarensen nung temaba jenjang angur lir.