2019-20 atema Rs 1611.98 crore deficit budget benok

Kohima, February 25 (TYO): 2019-20 financial year atema tanü Nagaland Chief Minister Neiphiu Rio-i Rs 1,611.98 crore deficit budget benok.
Ajisüaka, tanü Rio-i benokba budget ji Opposition Naga People’s Front (NPF)-ibo “entertainment budget” ta jaloktsür.
Neiphiu Rio-i finance portfolio bena lir aser tanü pai ashiba agi, “total gross receipts ji Rs 17,606.48 crore shi aser gross expenditure ji Rs 18,012.73 crore shi ka asütsü ta asadangtetogo anungji Rs 408.25 crore negative balance asütsü.”
Financial year tasen atema public account ji Rs 457.95 crore (GPF of employees) shi asütsü ta imlar aser Rs 49.70 lakh shi ka nung anüngtsü. Ajisüaka, Rs 1,661.68 crore negative opening balance agi tenzükba ajanga Rs 1,611.98 crore deficit nung tembangtsü, ta paisa metetdaktsü.
Iba ya “people friendly budget” ka lir aser nübor dang tax mesüra khuret talila magütsütsü, ta Chief Minister-i ashi.
State sorkari tanga lenmangtem ajanga sen bendentsü merangtsü aser taruba kümtem nübor aser rongsenkettsüng jenjang tajungba akümtsü atema mapa aika tenzüktsü, ta paisa ashi.
State sorkar mapa inyakertemi atema 7th Revision of Pay (RoP) inyakyim tenzükba ajanga terenlok mapa inyaktsü atema sen peria mebententet. Iba jagi 2019-20 atema onoki developmental activities atema Rs 609 crore dang agütsüteter” ta Rio-isa shisem.
“Sorkar sentsüh ajuruba khuret ajemtsü atema mapa aika inyakdar. Talisa Personnel Information Management System ajanga employee database ajanga state sorkar mapa inyaker shia indang osang tejangja metettsü. Iba ajanga mapa melii shimokba aser mapa tiyazü tenüng amer itasen agiba mapa agientsü. State sorkarisa taila pensioners jangjatsü atema State Government pensioners indang pension database yanglushidar,” ta paisa metetdaktsü.
2019-20 atema developmental activities asoshi sen lemzüktsüba osang tatsü agi metetdaktsüdang Neiphiu Rio-i ashiba agi ‘Agri and allied sector nem tongtipang infrastructure atema Rs 29.50 crore lemzüktsü.’
Rural development sector nung construction atema Rs 6.04 crore, special area development programme atema Rs 91 crore, special development scheme atema Rs 8 Crore, eastern Nagaland Areas nung Border area development programme atema Rs 21 crore aser Science College Kohima nung ENPO hostel tembanga yanglutsü atema Rs 2 crore enok.
Water resources sector nung Rs 2 crore, energy sector nung Rs 24 crore aser Industries and Minerals nung entrepreneurship ajungkettsü atema Rs 7.50 crore enok.
Transport sector nunga Rs 52.55 crore rupees enok aser iba nungi Rs 40 crore ji Kohima aser Dimapur nung gari lenmangtem yanglushitsü atema lir.
Science and Technology sector nung Rs 5.86 crore enok aser iba nung Science City Dimapur nung planetarium tajungba yanglutsü atema Rs 2.66 crore aser Information & Technology and Communication department atema Rs 1.70 crore dena lir.
General and Economics Services Sector nung Rs 41.15 crore aser Tourism department nem Hornbill & Mini Hornbill festivals atema Rs 7.50 Crore lemzüktsü.
Social services sector nung Rs 112.74 Crore enok aser School and Higher Education Sector nung infrastructure tajungba akümtsü atema sen lemzüktsü, ta Rio-i metetdaktsü.
Youth resources and Sports sector nung capacity building aser saisapongertem training atema sen lemzüktsü.
Nagaland nung media-i mapa tulu inyakba atema tenüngsang agüja Chief Minister-i ashiba agi, Fourth Estate atema capacity building aser exposure ventures indang sentongtem agitsübaji sorkar indang teinyaktsü lir.
Iba mapa ya journalists aser media institutions den asüngdangtepa inyaktsü, ta Rio-isa shisem.
Ajisüaka, Opposition Leader T R Zeliang-i osangbener den jembidang iba budget ya “Entertainment budget” ka dang lir kechiyong iba nung festivals, sports aser tours atema dang sen enoka lir.
2019-20 financial year atema Budget ji asüng assembly nung benoka olemteper agizüktsü.