2019 election atema PM Modi-i UP election nung rangloker

New Delhi, May 21 (Agencies): BJP-i tang mezüng Assam nung takok nguogo ajisüaka Ato kilonser, Narendra Modi-i animesüngzükteti taruba Uttar Pradesh election nung rangloker maparen tenzükogo.
Hokolbar nü Modi-i BJP Tir, Amit Shah aser Finance Minister Arun Jaitley ne den senden  ghonda ana amendang 2019 küm Lok Sabha election atema renemtsü asoshi telok ka tentettsü atema jembi.
Osang ajanga ashiba agi, Modi-i portfolio melentepa tejak tasenpur kar shimtsü aser minister kar anentsütsü aser kar party nung anioktsü, aser ibaji ajanga BJP Tir Shah-i tatong Tir tem aser general secretary tem tasen angutsü.
“Council nung temelenshi kar nüngdaker. Küm ana sülen (sorkar yimsüsüba) Ato kilonseri mapa junga inyakertem aser mejungi inyakertem asadangtetogo. Anungji minister kar melentsüji temetet dang. Taruba küm asemji kanga tongtibang asütsü. Aser state kar nung onoki takok angutsü nüngdaker,” ta senior minister kati ashi.
BJP atema taruba tetendangba ji Uttar Pradesh nung lir, kong party-i Lok Sabha menden 80 nungi menden 70 dak tema ngua liasü. Iba state nung sangküm assembly election agitsü, aser iba state nung tamakok ngura ibaji ajanga 2019 Lok Sabha election nung party jenjang majungtsü. Ibayongji party-i UP nung rangloker.
Osang angazükba agi, BJP-i UP election atema chief minister candidate meshimtsüa akok. Congress-i state aika nung tamakok anguba sülen tangbo parnoki Rahul Gandhi mesüra Priyanka Gandhi chief minister candidate atema shimra BJP-i CM candidate ka sangdongtsüsa akümtsü.
2017 UP election aser 2019 Lok Sabha election nung rangloker Modi-i June ita nung minister tem aser party nung lenirtem melenshitsü akok.