2019 election nung Nitish Kumar-i BJP tamakok ngudaktsütsü: Lal Marandi

Patna, June 03 (Agencies): Hokolbarnü Jharkhand Vikas Morcha (JVM) tongti lenir, Babu Lal Marandi-i, Ato kilonser candidate atema Bihar Chief Minister, Nitish Kumar ji kanga tetemsü aser 2019 küm Lok Sabha election nung pai BJP tamakok ngudaktsütettsü, ta ashi.

Tang Marandi-i Bihar yimtiba, Patna semdanga lir aser tanü pai Nitish Kumar ajurua Bihar anasa Jharkhand arrtsülen terenlok atema jembiogo.

Tanü Patna nung osangbenertem den jembidang Marandi-i, “BJP tamakok ngudaktsütsü atema regional party aser secular party tem ajak longjemtsüla,” ta ashi.

Janata Dal-United (JD-U) general secretary, KC Tyagi-i, Nitish Kumar-i pa Ato kilonser akumtsü nükjidong mali ta shiogo, BJP tamakok ngudaktsütsü atema dang pai party tem longjemtsü atema inyaker, ta jembiba sülen anogo ka lir tanü Marandi-i item o jembiogo.

JD-U lenirtemi ashiba agi, Jharkhand nung Marandi-i Nitish Kumar’er party den longjemtsüa akok.