2019 People’s Choice Award atema Alia Bhatt nomination nguogo

Mumbai, Mongputeni/October 04, 2019 (Agencies): Industry nung acting tsütsü alaktetta shilem tajung agiba ajanga Bollywood actress Alia Bhatt alimai jangjaa akümba osangtem ajanga angazükogo.
Osang ajanga angazükba agi, taruba 2019 People’s Choice Awards sentong nung The Most Inspiring Asian Woman award atema Alia-i nomination ngua liasü.
Iba award atema tokteptsü asoshi India tsür actress rongnung Alia kisüng dang asütsü, ajisüaka, iba nomination list nung award atema tokteptsüpur rongnung tanga celebrity talisa Zhou Dongyu, South Korea nunger actor Jung Yu-mi, South Korea nunger kentener – kenzülur CL, Thailand tsür actress Praya Lundberg, Indonesia tsür actress Raline Shah, Malaysia tsür kentener – ken zülur Yuna aser Thailand tsür model Chutimon Chuengcharoensukying nunger densema lir.
Item nominee tenüngtem ya Asia-India nungi tenzüka South Korea tashi nung shima liasü. Item celebrity yagi film, music aser television sabang den tongtibangsa alima rangben nung nüburtem dang parnok maparen ajanga osang tajung prokba asadangtetba sülen nomination agütsü.