2021 tashi nung India nung internet amshir anasü agi timba akümtsü

June 10, 2017 (Agencies): 2021 tashi nungbo India nung internet amshir anaben agi timba akümtsü. Cisco Video-i maneni IP traffic aser internet traffic growth ajak amokbangtsü. 2021 tashi nung internet traffic shilem 76 parnok ket nung alitsü.
Digital transformation ajanga India nung 2016 nung internet amshir million 373 (nütsüngyongsük shilem 28) alibaji 2021 tashinungbo million 829 (nütsüngyongsük shilem 59) akümtsü, ta Cisco-i Hokolbarnü metetdaktsü. Cisco indang “Visual Networking Index (VNI) Complete Forecast” ajanga ashiba agi, 2016 nung networked device billion 1.4 alibaji 2021 tashi nungbo India nung billion ana akümtsü.
“India nung Mobile network, device aser connection tem tajungba küma, generation network connectivity tajemba (2G) nungi 3G, 3.5G, aser 4G mesüra LTE ta renlokogo,” ta Service Provider Business, Cisco India aser SAARC, Managing Director Sanjay Kaul-i ashi.
2016 nungi 2021 tashi nungbo IP traffic pezüsü agi timba akümtsü imlar. Compound annual growth rate (CAGR) shilem 30 agi timba küma itashia data 6.5 Exabytes atongtsü koba 2016 nung ita shia 1.7 Exabytes lir, ta Cisco-i metetdaktsü.
Kasa osang ajanga ashiba agi, machine-to-machine (M2M) connection shilem 22 asütsü aser 2021 tashi nung IP traffic nung shilem 5 asütsü.
IoT application tem smart meters, package tracking, digital health monitors amala device tem nung terenlok ajanga taruba küm 5 tsüngda nung shilem 21 shi renloktsü.
Video-i maneni IP traffic amokbangtsü aser 2016 nung shilem 57 alibaji 2021 tashi nung internet traffic growth ajak senteper shilem 76 akümtsü. “India nung 2021 tashinungbo internet video minute ita shia billion 84 atongtsü mesera second shia 2000 vedio minute atongtsü,” ta Cisco ajangasa maneni metetdaktsü.