2021 tashi nung Nagaland nung college ajak NAAC nung züngsemtsü imlar

Kohima, Metsüremi (March) 27 (TYO): Nagaland nung aliba college ajak 2021 tashi nung NAAC ajanga agizüktsü imlar ta Department of higher education-i metetdaktsü.
Tentonü Assembly nung Higher Education and Technical Education minister Temjen Imna Along-i annual administrative report 2017-18 benokdang iba osang metetdaktsü.
Nagaland nung college 64 aliba nungi 21 ji NAAC accredited lir aser college aikati accreditation mapa tenzükogo ta report nung shia lir.
Department-i private recognized college tem aser tanga reju aika nem grants-in-aid agütsür aser iba nung sen crore 2, 65, 00, 000 endoker.
Nagaland nung higher education jenjang tajungba kümdaktsütsü atema sorkari ajitetba college tem nem grants-in-aid agütsür ta report nungsa metetdaktsü.
Nagaland nung shisaliok tsütsü renlokba nung nija college temi shilem tajung agir kechiyong higher education atema kaketshir noklang nung shilem 75 ji private recognized college tem nung lir, ta report nungsa shia lir.