2022 tashi nung Northeast nungi ‘drugs’ samatsütsü: Biplab Deb

Agartala, September 13 (Agencies): 2022 tashi nung Northeast nungi ozüng alema mozü amshia ajak agientsü, ta
Tripura chief minister Biplab Kumar Deb-i ashi.
Tripura nung gram panchayat election nung takok angurtem den jembidang “North Eastern Council (NEC) nung Home minister Amit Shah-i 2022 küm India nung 75 buba Independence Day amungdang tashi nung Northeast nungi ozüng alema amshiba mozü samatsütsü ta shiogo” ta Deb-i metetdaktsü.
Tanga linüktem nungi Northeast-i mozü bener arurtem aser yokyayokjirtem Interpol teyari agia aputsü, ta paisa ashi.
“Amit Shah-i ozüng alema amshiba mozü anema rara ayongogo aser chief secretary tem aser DGP tem dang mapa inyaktsü tuyuogo” ta Deb-isa shisem.
Taoba küm ka tsüngda Border Security Force, Narcotics Control Bureau, Directorate of Revenue Intelligence aser Customs-i Northeast nung sen crore 600 jenjang mozü puogo.
Kasa mapang Narcotic Drugs and Psychotropic Substances (NDPS) Act kübok mozü shibelener 300 dak tema apu.