March 11, 2016: Actress Angelina Jolie aser Brad Pitt na kibong züngsem tiprongla taruba ita trok atema Britian, Surrey nung ki tulu kati belenogo.

Tena taküm küm mapang timbaka Britian nung project balala aika nung kanga mazüngi alitsü.

Us Weekly osang ajanga ashiba agi, par kibong nung züngsem tiprongla ayipba takdang ti aliba ‘mansion’ kati belenogo, parnoki ita shia ki para US sen 21,000 (Pound 14,700) agütsütsü.

Mejangba takdangtem dak alia jaka kanga tesadem dangji “Beautiful, White House-style home” ajar aser iba ya River Thames anasa lir. Iba kimong nung atsü tulu ka den ki elung nung swimming pool aser gym ka lir. Par ki tasenba aser George Clooney’er ki tasenba na tsüngdaji gari nung minute 40 shi jajar.

Tena chir trok, arishi küm 14 Maddox, Pax (12), Zahara (11), Shiloh (9) aser arishi küm tenet jakrep Vivienne aser Knox nunger ajak Londong nung nngtugu school, Lycée Français Charles de Gaulle school nung admission agiogo.

Arishi küm 52 Pitt ta Britain nung 2013 blockbuster World War Z indang sequel tangokdar, aser iba film 2017 June 9 nü sayatsü.

Ano arishi küm 40 Jolie humanitarian project aika nung kanga mazüngi alitsü aser item project rongnung lai UN High Commissioner for Refugees Special Envoy ama Syria nugner refugees atema inyaktsü densema lir.