New Delhi, July 27 (Agencies): 2050 küm tashi nungbo India nunger nütsüng shilem 60 shi jila/yimtitem nung alitsü, ta tanü Lok Sabha nung Minister of State for Urban Development, Rao Inderjit Singh-i ashi.
2011 census nung linük nütsüng shilem 31 yimti aser jilatem nung alir, aser taruba kümtem nunga nisung teimba-teimba yimtitemi oa alitsü, ta paisa ashi.
Lok Sabha nung Question Hour mapang Minister-i, Atal Mission for Rejuvenation and Urban Transformation (AMRUT) kübok sorkari yimti tulutem tama tashi itdaktsütsü aser tanabubaren nung ang yimti tilatem tashi itdaktsütsü, ta ashi.
AMRUT ajanga yimtitem nung tzü supply, sewerage, seepage, storm water drainage, urban transport aser green space den parks ama nung infrastructure terenlok katsütsü.
Singh-isa, World Bank mesüra foreign financial institution temi yaribaji AMRUT kübok magütsür, saka iba Mission kübok projects aser mapatongtem atema senotsüji Central sorkar, state tem, Union Territories aser urban local tentettemi pei tata shilem lemsar agütsür, ta ashi.
“Ajisüaka State tem, UTs aser urban local tentettemi pei tata shilemji (sen) pei resources mesüra World Bank aser foreign financial institutions densema tanga lenmang balala ajanga senotsü bushitsü akok,” ta paisa shisem.
You must be logged in to post a comment Login