TR Zeliang-i 2016-17 budget nung sen crore 225 tali benok

March 17, 2016 nikongdang Nagaland Assembly senden nung Chief Minister, T.R. Zeliang-i 2016-17 küm atema budget benokdang agiba noksa angur.  (Kohima, March 17, 2016).

Kohima, March 17 (TYO): Brihostibar nikongdang Nagaland Assembly nung state Chief Minister, T R Zeliang-i 2016-17 küm atema budget benokdang pai, Planning Commission agi NITI Aayog melenba aser Centre dang nungi state tem dangi sen yokba inyakyim tasen küma melenshiba ajanga küm aika sülen tang mezüng House-i 2016-17 atema full budget benoker, ta metetdaktsü.
Budget benokba onük jembidang Chief Minister-i, 2016-17 atema sen crore 3924.47 benoker, iba nungji CSS atema sen crore 2882.41, NEC atema sen crore 117.06, NLCPR atema sen crore 230, EAP atema sen crore 115.00 aser untied/flexible fund atema sen crore 580.00 densema lir, ta metetdaktsü.
2016-17 küm atema Annual Plan outlay ji yaküm dang nungi shilem 8.35 agi timba lir. Annual Plan Outlay sen crore 3924.47 nungi Social Sector atema sen crore 1519.38 lemzüktsü aser ibaji total outlay nungi shilem 38.72 lir, Economic Sector atema crore 1903.01 lemzüktsü (48.49%) aser General Sector atema crore 502.08 lemzüktsü (12.79%).
Taküm atema internal saruji sen crore 665.06 nükjidong ayur; yaküm Revised Estimates 2014-15 target crore 593 liasü, aser ibaji shilem 12.15 agi timba akumba lir, ta Chief minister-i ashi.
Junga ketdangsüba den senotsü kümzüktsü mera balala agiba ajanga 2016-17 küm atemdangbo sentsüh crore 225.00 agi tajemba akümtsü imlaba olen ka Chief minister-i lemsatep.
Chief Minister-isa, opening deficit crore 1542,71 aliba nungi taküm sen crore 123.36 ajemogo; Tesüiba küm ishika tsüngda asen state nung küm ka kija nung sentsüh aika ajembaji tang mezüng asütsü, ta metetdaktsü. Iba atema Chief Minister-i par külem tenzükertem, department tem aser talisa Finance Department dang pelaba metetdaktsü.
CM-i 2016-17 küm atema sen crore 225 tali budget benokogo, ajisüaka saru tasen mebenok.
Zeliang-i Finance portfolio bena lir aser pai financial year atema gross receipts Rs. 13,870.98 crore aser gross expenditure Rs. 13,645.98 crores benok.