21 buba Classic Cup: Barak & Dejavu na quarterfinal-i iogo

Tang tasayadak 21 buba Classic Cup asayamong nung Barak FC aser Headwinds FC asayartemi tanü Bodbar nü toktepa shilem agiba noksa nung angur. (Kohima, November 11)

Dimapur, November 11 (TYO): Defending champions, Barak Football Club, Peren aser Dejavu Football Club telok nati takok ngua tang tasayadak 21 buba Classic Cup asayamong quarterfinal nung shilem agitsü jenjang tanü Bodbar nü nguogo.
Tanü tanabuba asaya nung Barak teloki goal 4-0 agi Headwinds Football Club telok madak takok angu.
Barak skipper, Tingnyek Konyak-i asaya tanabuba shilem tenzüker minute 3 buba nung goal 1 agüja par telok temaba jenjang nung ajungkettsü.
Külem asayar, Yami Longbah-ia asaya tenzüker minute 44 buba nung goal 1 agüja par Barak telok jenjang tajungba kümdaktsü.
Tesülen, asaya tenzüker minute 48 aer 57 buba na nung Kezhose Mathew Khizoh-i goal 2 tashi agüja par Barak telok nem takokba bener arutsü.
Tanü mezüngbuba asaya nung Dejavu aser Vanguard Football Club telok napronglai goal kata magütsüteti kasa jenjang anguba yong takoker shimtsü asoshi tie-breaker metsüteptsüsa aküm aser tatem nung Dejavu teloki goal 3-2 agi mezüngbuba asayaji akok.
Nov. 12 nü asaya yamai alitsü:
Chüziema FC vs HQ IGAR(North) @ 12:00 Noon
Nagabazar YO vs Medziphema United @ 1:30 PM