21 buba Classic Cup: Barak FC o Naga FC na semifinal tongogo

Dimapur, November 14 (TYO): Barak Football Club aser Naga Football Club nati pei quarterfinal asaya koka tang tasayadak 21 buba Classic Cup asayamong semifinal nung shilem agitsü jenjang tanü Honibar nü ajangzükogo.
Naga teloki goal 1-0 agi Lhisemia Youth Organization telok madak tanü mezüngbuba quarterfinal asaya nung takok ngua semifinal asayatsü jenjangji angu.
Keneisedelie Chiitso-i tanü takokba goal-ji agüja par Naga telok nem jenjang tajungji bener arutsü.
Tanü tanabuba quarterfinal asaya nung Barak teloki goal 9-0 agi Dejavu Football Club telok madak ajemshia akok.
Tanü asaya nung Keyidwasaplung Kulim-i par Barak telok asoshi 2 buba, 4 buba aser 5 buba goal agüja tan asayamong nung hat-trick yanglur asayar 8 buba aküm.
Ano, minute ishika lir külen, Kulim-isa 7 buba aser 9 buba goal agüja par telok temaba jenjang nung ajungkettsü.
Külem asayar, Kakai Chongloi, Tingyek Konyak, Nzauhut Nbung aser Mayosing Khongreiwo nungeri 1 buba, 3 buba, 6 buba aser 8 buba goal agüja par Barak telok semifinal-i anir ai.