21 buba Classic Cup: HQ IGAR (N) & Nagabazar Quarterfinal tongogo

Dimapur, November 12 (TYO): HQ IGAR (North) aser Nagabazar Youth Organisation telok nati tanü Brehostibar nü takok ngua tang tasayadak 21 buba Classic Cup asayamong quarterfinal-i iogo.
HQ IGAR(N) teloki goal 5-1 agi Chüziema FC telok madak takok ngua quarterfinal nung shilem agitsü jenjangji angu.
HQ IGAR(N) asayar, K. Chizo-i asaya tenzüker minute 5 buba nung goal 1 agütsüba sülen külem asayar, Demo-i minute 23 buba nung goal 1 agüja par telok temaba jenjang nung ajungkettsü.
Kechangulie-ia asaya tanabuba shilem tenzüker minute 8 buba nung par Chüziema telok asoshi goal 1 agütsü.
Ajisüaka, Demo-isa minute 50, 53 aser asaya tembangtsü minute 1 anünga alidang goal 3 tashi atonga agütsüba yong par HQ IGAR(N) teloki takok angu.
Demo-i tanü goal 4 tashi agütsüba sülen tan asayamong nung hat-trick yanglur asayar 6 buba kümogo.
Ketholezo Sophie-i injury added time nung goal 1 agütsüba ajanga par Nagabazar teloki goal 1-0 agi Medziphema United madak tanabuba asaya akok.
November 13 nü asaya yamai alitsü:
Dzüvürü XI vs Alpha Squab @ 12:00 Noon
Mt. Youth Club vs Head hunter @ 1:30 PM