21 buba Classic Cup: HQ IGAR (N) o Barak FC na tanü final asayatsü

Dimapur, November 19 (TYO): Classic Club Kohima (CCK) teloki Kohima nung ayongba 21 buba Classic Cup football asayamong final nung Head Quarter Inspector General Assam Rifles (IGAR(N)) teloki defending champions, Barak Football Club (BFC) telok den asüng, Hokolbar nü shilem agitsü terenemshiba tulu agitsü tenzükogo.
IGAR(N) telok aser Barak telok nati asüng, Hokolbar nikongtsütsü 1:30 ako nungi tenzüka final asayatsü renema lir.
Tan asayamong shibangba sentong nung Nagaland Environment, Forest & Climate Change Minister, Dr.Neikiesalie (Nicky) Kire tongti tesemdanger alitsü.
Asüng final nung takok anguba telok nem senpet sen 1,50,000 aser tanabuba jenjang anguba telok nem senpet sen 80,000 agütsütsü renema lir.
Ano, Player of the Tournament, Highest Scorer, Best Goalkeeper, Best Defence aser Best Midfielder shilemtem nung individual sempeta agütsütsü renemba osang jangjaogo.
Ano külen, tan asayamong den sentaktepa asayaba Challenger Cup 2015 asaya nung CCK teloki Kohima Press Club (KPC) telok madak tanü, Brehostibar nü takok nguogo.
CCK teloki takok marok agizükba den külemi, senpet sena sen 20,000 tashi agizüka liasü.
Mhaler Sekhose-i goal 2 aser K.Neibou Sekhose o Chotisuh Sazo nati goal kaka agütsüba densema par CCK teloki goal 4 agütsü aser Ketu Viluo, Narain B. Sagar, Neidilhoutuo Sechii aser Nchum Odyuo nungeri goal kaka agütsüba densema par KPC telokia goal 4 agütsüba yong atazüktsüba asaya mapang tembang tashi nung telok anapronglai goal 4-4 agüja draw jenjang angu.
Ajisüka, takoker shimtsü asoshi tie-breaker metsütepba sülen CCK teloki tanü asayaji kokadok.
Challenger Cup nung individual takok marok agizüker asayar tarensen:
Best Goalkeeper : Dr. Neiphrezo Keditsu (CCK)
Higher Scorer : Mhaler Sekhose (CCK)
Most Promising player : Chotisuh Sazo (CCK)
Best Midfield : Athe Rhi (KPC)
Man of the Tournament : Roko Angami (CCK)
Best scorer of the Tournament : Narain B. Sagar (KPC).
Best Defence : Akielie (KPC)