21 buba Classic Cup: Lhisemia, Hurricane & Naga nungeri takok angu

Dimapur, November 05 (TYO): Lhisemia Youth Organisation, Hurricane Boys aser Naga Football Club teloktemi tang tasayadak 21 buba Classic Cup asayamong anogo tasembuba, tanü Brehostibar nü takok ngua pre-quarterfinal nung shilem agitsü jenjang nguogo.
Tanü mezüngbuba asaya nung Lhisemia aser Galaxy Football Club telok napronglai goal 2-2 agüja kasa jenjang anguba yong takoker shimtsü asoshi tie-breaker metsüteptsüsa aküm aser Lhisemia teloki goal 5-4 agi takok angu.
Vilhoubeituo Yhome aser Mhasibeituo Yhome nati asaya tenzüker minute 4 aser 15 buba na nung par Lhisemia telok asoshi goal 2 agütsü aser Kekhrieneizolie aser Rokovilie natia minute 8 aser asaya tanabuba shilem tenzüker minute 2 buba nung par Galaxy telok asoshi goal kaka agüja liasü.
Hurricane telokia goal 1-0 agi Venns United FC telok madak tanabuba asaya akok.
Thejanguzo Zashümo-i asaya tenzüker minute 37 buba nung tanü takokba goalji agütsü.
Tasembuba asaya nung Naga teloki goal 7-0 agi Falcon FC telok ajemshia akok.
Vimelie Chase-i asaya tenzüker minute 45, 53 aser 57 nung goal 3 tashi agüja tan asayamong nung hat-trick yanglur asayar tanabuba akümba den külemi, Keviphretuo Kire-i minute 12 aser 21 buba na nung goal 2, Keneisedelie-i minute 27 buba nung goal 1 aser Kezevituo-i minute 47 buba goal 1 agütsüba densema, par Naga teloki goal 7-0 agi tasembuba asaya akok.
November 6 nü asaya yamai alitsü:
1. Meriema United vs Nagabazar YO @ 10am
2. 4th NAP Youth FC vs Medziphema United @ 11:40 am
3. Chüziema FC vs Ablaze FC @ 1:30 pm