21 buba Classic Cup: Mt. Youth Club & Head Hunter pre-quarterfinal-i iogo

Dimapur, November 09 (TYO): Mt. Youth Club aser Head Hunter telok nati pei asaya koka tang tasaydak 21 buba Classic Cup asayamong pre-quarterfinal nung shilem agitsü jenjang tanü Hombar nü nguogo.
Tanü mezüngbuba asaya nung Mt. Youth teloki goal 5-0 agi School Education FC madak takok angu.
Mt. Youth asayar, Orlando-i tanü asaya nung goal 3 tashi agüja tan asayamong nung hat-trick yanglur asayar 4 buba aküm.
Külem asayar, Honaito aser Hekato nati tanüngba goal 2-ji agüja par telok nem takokba bener arutsü.
Head Hunter telokia goal 4-0 agi Nokmei FC tsükdakja pre-quarter nung shilem agitsü jenjang angu.
Tanabuba asaya nunga Haotimmong Thomsong-i par Head Hunter telok asoshi goal 3 tashi agüja tan asayamong nung hat-trick yanglur asayar 5 buba aküm.
Külem asayar, Khampei-i tanüngba goal 1-ji agüja par teloki tanabuba asaya akok.
November 10 nü pre-quarterfinal asaya yamai alitsü:
1. Fraternity FC vs Lhisemia YO @ 12:00 Noon
2. Hurricane Boy’s vs Naga FC
@ 1:30 PM