21 buba Classic Cup: Vanguard, Dejavu & Fraternity teloki takok angu

Dimapur, November 04 (TYO): Classic Club Kohima (CCK)-i ayonger tang tasayadak 21 buba Classic Cup asayamong anogo tanabuba, tanü Bodbar nü asaya nung ajak agi goal 18 tashi agütsüba den külemi, asayar kati hat-trick 2 tashi yanglua otsü tasen yangluogo.
Tanü mezüngbuba asaya nung Vanguard Football Club teloki goal 6-0 agi Roaster Club madak takok angu.
James Kelengoto aser Yhunshalo Kent nati asaya tenzüker minute 14 aser 19 buba na nung par Vanguard telok asoshi goal 2 agütsü.
Ano, Paul Magh-i minute 31 aser Nythan Magh-i minute 42 buba na nung goal kaka agüja par telok jenjang tajungba kümdaktsü.
James aser Yhunshalo nati minute 52 aser 59 na nung maneni goal 2 tashi agütsüba yong par teloki asayaji akok.
Tanabuba asaya nung Dejavu Football Club teloki goal 3-0 agi Bhaiyao’s Football Club akok.
Imnarenba Longkumer, Asito Krose aser Sevizo Pucho nungeri minute 16, 53 aser 54 buba nung par telok asoshi takokba goal 3-ji agütsü.
Fraternity Football Club-ia goal 9-0 agi Fennec Football Club madak tasembuba asaya ajemshia akok.
Tanü asaya nung Shamba-i goal 7 tashi agüja hat-trick 2 tashi yanglua otsü tasen yanglu. Pai goal 7-ji minute 8, 11, 17, 26, 47, 50 aser 53 buba nung agüja liasü.
Tanüngba goal 2-ji külem asayar, Keneisetuo Kire aser Kevisanyü Angami nati minute 44 aser 58 buba na nung agütsü.
November 5 nü asaya yamai alitsü:
1. Lhisemia YO vs Galaxy FC @ 10am
2. Hurricane Boy’s vs Venns United FC @ 11:40 am
3. Falcon FC vs Naga FC @ 1:30 pm