21 buba MDFA: Elation-i YAM akok; Arrjusanger quarterfinal-i iogo

Dimapur, October 14 (TYO): Arrjusanger FC teloki tanü Bodbar nü takok ngua tang tasayadak 21 buba MDFA asayamong quarterfinal nung shilem agitsü jenjang nguogo.
Tanü tanabuba asaya tenzüker minute 21 buba nung midfield asayar, Nokcha-i goal 1 agüja par Arrjusanger telok temaba jenjang nung ajungkettsü.
Ano, asaya tenzüker minute 60 buba nung striker Dhozou-i par Arrjusanger telok asoshi tanabuba aser takokba goal agütsüba yong par teloki goal 2-0 agi B-Squad telok madak takok ngua quarterfinal nung shilem agitsü jenjang angu.
Ano, tanü mezüngbuba asaya nung Elation SA telokia goal 4-2 agi Youth Association Merepkong (YAM) madak takok ngua liasü.
Elation asayar, Himjai-i tanü asaya tenzüker minute 19 aser 31 buba na nung goal 2 agütsüba den külemi, külem asayar, Takomeren-ia minute 26 buba nung goal 1 agütsüba yong par Elation teloki temaba jenjang angu.
Tesülen, minute 40 buba nung Takomeren-isa par Elation telok asoshi 4 buba goal agütsü saka YAM asayar, Toshipokba-i minute 54 buba nung goal 1 agüja par telok jenjang tajungba kümdaktsü.
Ano, asaya tenzüker minute 60 buba nunga Takalong-i par YAM telok asoshi 2 buba goal agütsü.
Ajisüaka, tanüngba asaya mapang nung par teloki goal kata magütsütetba yong par YAM teloki tanü tamakok ajurutsüsa aküm.
Pool B nungi Arrjusanger telok aser Pool A nungi NU Lumami (PGSU-L) o Fusion SC na densema tanü tashi nung telok 3-i tan asayamong indang quarterfinal nung shilem agitsü jenjang ngua lir.
October 15 nikongdang 1:00 ako nungi tenzüka asaya yamai alitsü:
1st Match: Youngster’s FC Vs Walunir Tetsung Artang
2nd Match: Sports Society Suyim Vs Shitilong SA