21 buba MDFA: Lumami o Shooting Starz nati takok angu

Dimapur, October 09 (TYO): Tang Mokokchung nung tasayadak 21 buba MDFA asayamong anogo 4 buba nung, tanü Hokolbar nü Dilong Youth Association aser Shitilong SA na asaya draw nung tembang saka Shooting Starz FC aser UNU Lumami (PGSU-L) telok nati takok ngua liasü.
Tanü mezüngbuba asaya nung Dilong telok aser Shitilong telok asayartemi goal agütsütsü nükjidong nung kanga meranga asaya saka telok anapronglai goal kata magütsüteti iba asayaji draw nung tembanga liasü.
Starz teloki goal 5-2 agi Zonipang Sporting Association tanabuba asaya nung akok.
Tasembuba asaya tenzüker minute 11 buba nung Pumgying-i goal 1 agüja par Lumami telok temaba jenjang nung ajungkettsü.
Ajisüaka, asaya tanabuba shilem tetenzüklen Yashimeren-i par Youth Association Merepkong telok asoshi goal 1 agütsüba yong par telok anaprongka kasa jenjang aküm.
Tesülen, asaya tenzüker minute 62 buba nung Watimeren-i goal 1 agütsüba yong par Lumami teloki goal 2-1 agi tasembuba asayaji akok.