21 buba MDFA: Walunir Ritsung & Sports Society Suyim nati akok

Dimapur, October 08 (TYO): Walunir Ritsung Artang aser Sports Society Suyim (SSS) telok nati takok ngua tang tasayadak 21 buba MDFA asayamong nung tanü Brehostibar nü shilem agiogo.
20 buba MDFA asayamong nung 2 buba jenjang anguba SSS teloki goal 1-0 agi tan mezüngsüa iba asayamong nung shilem agiba telok, Onet Korang SC madak mezüngbuba asaya akok.
Külem asayar, Jungpetrong-i yanglutsüba cross ball agizüka Osen-i par SSS telok asoshi takokba goal-ji tanü asaya tenzüker minute 6 buba nung agütsü.
Onet asayartemia goal meyiptsütsü nükjidong nung kanga meranga asaya saka par teloki goal ka danga magütsütetba yong tatem nung par teloki tamakok ajurutsüsa aküm.
Walunir asayartemi kangasa junga asayaba yong par teloki goal 3-0 agi B Squad FC telok madak tanabuba asaya akok.