22 buba Classic Cup: Kuki, Yhome, Renegades & Hawks teloki akok

Kohima, November 15 (TYO): Kuki United Football Club (FC), Yhome FC, Renegades FC aser Street Hawks FC teloktemi takok ngua, tang tasayadak 22 buba Classic Cup asayamong pre-quarterfinal asayatsü jenjang tanü, Mongolbar nü ajangzükogo.
Kuki teloki goal 6-0 agi Young Creepers FC telok madak 1 buba asaya ajemshia akok.
Elminhao-i minute 12 buba nung 1 buba goal agütsüba sülen külem asayar, Seihinmang-i goal 3 tashi atonga minute 15, 19 aser 22 buba nung agüja, tan asayamong nung hat-trick yanglur asayar 4 buba küma, par Kuki telok temaba jenjang nung ajungkettsü.
Asaya tanabuba shilem nung, asaya tenzüker minute 33 aser 47 buba nung Kaigin aser Lamminlen nati goal kaka agüja, par Kuki telok nem takok ngudaktsü.
Vilhoubeituo Yhome-i minute 13 buba nung takokba goal agüja, par Yhome teloki goal 1-0 agi Chuziema FC telok madak 2 buba asaya akok.
Asaya mezüngbuba shilem tembangtsü minute ishika anünga alidang Aneilie-i takokba goal agütsüba ajanga par Renegades telokia Gari-Ciko Gariphema telok madak goal 1-0 agi 3 buba asaya koka liasü.
Hawks asayar, Mhasivotuo-i asaya tanabuba shilem indang injury added time nung goal 1 agütsüba yong par telokia goal1-0 agi Chedema FC telok 4 buba asaya nung akok.
November 16 nü asaya yamai alitsü:
1. Barak FC vs Lerie Youth FC @ 1:00pm
2. Tyrants FC vs Addax FC @ 2:30 pm