22 buba Nyamo Lotha & Daniel Lotha cum Tokhu Emong tenzükogo

Dimapur, November 01 (TYO): Dimapur kübok Dimapur stadium nung 22 buba asür Nyamo Lotha & Daniel Lotha Memorial cum Tokhu Emong Trophy 2016 tanü, Mongolbar nü tenzükogo.
Dimapur Lotha Students Union (DLSU)-i ‘Inspiration through Sports’ omen nung ajemdaker ayongba asayamong nung Advisor, Urban Development, SI Jamir tongti tesemdanger liasü.
“Nagaland nung kanga nungtugu süa züngshir aser Naga nunger atema bendanga agüja inyaker, asür Nyamo Lotha aser Daniel Lotha na nüngtem nung iba asayamong ayongba atema Lotha kin nem tetushi agütsür,” ta tongti tesemdangeri metetdaktsü.
“Tanü putu nung saisapongtsü ya temang aser shisatsü anisüngzükba dang masü saka peipok mesütetba tongti sabang ka kümogo. Anungji, lanurtemi pei bendangertem den toktepa asayatettsüsa temulungtetba yur nungdakba terenemshitsü bendanga agüja agitsü ajungshir,” ta pai shisem.
Tanü sentong nung tongti tesemdangerisa asayamong nüngo kena sayaja liasü.
Asayamong tetenzükba asaya nung KCYC teloki yaküm asayamong semifinal asayatsü jenjang ajangzüker, Dimapur Pangti FC telok madak goal 6-2 agi takok angu.
Anogo 3 agia asayatsü ayongba asayamong nung ajak agi asayatsü telok 23 tashi shilem agiba osang jangjaogo.