Dilip Kumar Mongulbarnü mozü ki toktsütsü

April 18, 2016 : Temang ronga tango junga mesashitetba ajanga Honibar anepdang Lilavati mozüki nung anir oa alisang, Bollywood film actor tejen Dilip Kumar Mongulbarnü mozü ki toktsür kidangi aotsü akok.

Pa kinungtsü, Saira Banu indang manager Murshid Khan-i, “Dilip sir-ba tangbo kanga junga kümogo. Doctor temi ajungtsü ta shira onok asüngbo mozü ki toktsütsü,” ta IANS osangbenertem dang ashi.

Dilip Kumar ya arishi küm 93 lir. Pa Peshawar, Pakistan nung December 11, 1922 nü aso aser pa tenüng Muhammad Yusuf Khan jatsü. Ajisüaka film industry nung pa tenüng Dilip Kumar ta dang amshir.

Honibar anepdang pa temang kanga ronga saktsüba ajanga Lilavati mozü kidangi kanga ilunga anir oa liasü.

Pai shilem agiba film rongnung tesüsabaji 1998 küm tangokba ‘Qila’ film lir.

1994 küm pa nem Dadasaheb Phalke Award agütsü aser 2015 küm ano Padma Vibhushan Award-a angu.