23/7/2016, anogo nung Laishiba nung temelenshi kar den aseni meteta alitsü indang kar lemsatepba nung Mr. Toshi Ao, Kohima, 27/7/2016 nü ……

-S. Medem Kichu, Lerie Colony, Kohima.

Ni yamala mapa inyakba ya tan inyakba ya tasen masü. Joko küm aika dang iba mapa ya inyaka arur, aser iba mapa inyakba nung kü nükjidongji, laishiba aser ken kaket nung aibelena zülusema aliba angudang item ya nisungi dang inyaker asünung item ya adokerji,  ya bushidena yur nüburtem den lemsatep nung tanaben kodang Revision mapang arudir, par teinyakertemi itemji melenshia yanglushitaktsütsü mechi inyaker.
Iba nükjjidong nung, ni teti note book aser pen amer laishiba aser ken kaket anaprongla nung aibelena zülusema alibaji, tatishitsu agi, ojang missing süa aliba, kensü raksa-a aliba, English & Ao oshi anaprongla nung bendener local media ajanga nuburtem den lemsateper aser yamaji kar nungbo temelenshiba nguogo. Ajak ajungtsü mechi yamaji inyakdar.
Ni yamaji inyakba ngur nisung aikati iba idea ya kanga dang junger aser par teinyakertema khu pongpadaktsür aser ajaki yamai yaritepa inyakba ajanga kenübo asen Laishiba aser ken kaket anaprongla ya kecha aibelen makai renemteter jangratema azungtsü ta temeimer aikati ashir. Ano nia kenkenbo aibelena inyaksemer asünung kodang yamalaij aibelena ngudir o tajung agi dang melenshidakja-a arur.
Ni yamai inyakba nung temelenshi ka angubaji ibai lir. Lipok 42:38 nung Benjamin Egypt-i meyoktsü ta tebui tedi nunger dang ashiba o ka, ozü chirbo nenok den maotsü ta zülua lir. Saka iba ya 2008 nung Reprint/Revised asüba mapang nungji tera aibelena zülua liasü. Iba oji, ozü chirbo nenok den moatsü ta  zülua liasü. Saka ajak teyaritep ajanga iba aibelena aliba oji akhi amaji tanü asüng adokba nung shidak oji zülua lir. Ni iba tatishitsü o yabo tila ka dang sayur.
Sürapangla! Mr. Toshi Ao, nai bilemba amaji ni laishiba azüngbaji tangar dak tai aputsü atema azünger asü? Asenok ajak ajungtsü atema azünger? Na-a tamaji (foolish) nisung ka masü süra item kulitem ajanga naia ni inyakbaji meteta arur südi ? Na ya koyimer ? koba kiyong nung alir ? komala nisung ni tang tashi memetet, saka nai kü dak inyakba mapa ya ajanga  nai ni ya künubo jungjunga chidaktsütsü ta zangkum süa atar inyakba mapa ka amai meteta arur.
Ni ya nüdi (elder brother)-a masü, nenua masü. Ni kü ocet nung kechi osa shia ali aji nü dang ashiba masü mesüra nai ibai langzüang ta nü dang mashi. Ni ibai nüburtem den lemsatepba o lir. Ni inyakba ya tai inyaker ta belemra, tangari metongshitsüba ama o tajung agi metongshitsütsüla. Kecha kuli makai ni yamai maksüdakja Newspaper tashi nung ni laishiba azüngbaji tangar dak tai aputsü azünger ta shia adokdaktsüba yabo jenjang tulu aketba ken o ka lir. Nai yamai inyaktsü bilema lira tamasa warning agütsütsüba asü. Mapa tamajung inyakertem dangang sünga, tamasa warning agütsür memelenshi nung dang action agir.
Ashiko, na ya tuluka zünger tashi temeteter ka asütsü akok, mesüra public service nung jenjang tajung nung aliba nisung ka asütsü akok, saka nai yamai inyakba ajanga na ya yamala type nisung ka ta ni meteta arur.
(1)    Mato malem nisung ka.
(2)    Common sense agi anüngba nisung ka.
(3)    Sobaliba & awa-ashi memetetba nisung ka.
(4)    Tenükmerem aketba nisung ka.
Ano nai ni kanga dang sashia aitsüba kuli kaji ibai lir. Ni Yihuda shidi nung tekong 11 nung, asema aodang taluposa asem ta zülua aliba yabo tai asütsü ta ashiba nung nai yamaji masü ta shiogo. Saka ni ya tapi agi ashiba masü. Ibai jangjashitsü atema ni tangar nisung aika dang asüngdang nung tai asütsü ta shiogo. Ano karibo asemtepdang taluposa asema ao ta koba lai nung zülüa ali ta asüngdang aser asemtepdang taluposa masemerji iba oji aibelena züluba aüstsü ta ashi. Saka nai ibai shidak ta ashi. Nai ashiba agi, iba o ya English oshi nung Rush & Ran meyokteper akümba o nungi asen Ao o nung taluposa asem ta meyiper ta ashir.
Süra ni nü dang question 2 (ana) asüngdangdi.
(1)    Asen Ao oshi nung taluposa asem ta asüba ya English oshi Rush & Ran ojang meyokteper akumba o sura English ojangji kong ali? (Rush + Ran =……….?) aji tama sayutsüla. Asen Ao oshi nungbo iba tetezüji agütsüteter, kechiba English O nung magütsüteter ?
(2)    Laishiba nung taluposa asem ta zülua aliba ojang ya aibelena zülusemba ojang ka lir, ya tai ta tesülen lemtepra koda asütsü ?