25 buba Hornbill Festival nung nisung lakh 1 tema denogo

Hornbill Festival anogo trokbuba Cultural Extravaganza anepdang session nung Host NLA Speaker Sharingain Longkumer aser Co-host Advisor A. Pangjung Jamir nati Mizoram Governor Dr. Hari Babu Kambhampati nem sempet agütsüdang agiba noksa angur. (Kohima, December 6)

Kohima, December 6, 2024 (TYO): Naga Heritage Village Kisama nung 25 buba Hornbill Festival amongdang nisung lakh 1 temai shilem agiogo.

Taküm benjung tenzüker anogo trokbuba nung nisung 14,856 arua liasü aser parnok züngsema nisung ajak agi 1,01,496 jungogo.

Tang tashi nung Kisama nung benjungi arurtemji foreigners 1912, domestic tourists 26,549 aser locals 70,035 liasü.

“Anogo 6 buba nung nisung 14,856 arua liasü aser parnok ya foreigners 197, domestic 4003 aser locals 10,656 liasü” ta Tourism Department Joint Director, Toka E. Tuccumi-i ashi.

Tang tashi nung nisung teimtiba aruba anogoji mezüng anogo nisung 23,910 aruba liasü. Nisung tajemtiba aruba anogoji anogo pezübuba nü 14,502 aruba liasü.

Hornbill Festival nung Cultural Connect sentong nung kin balalai shilem tajung agiogo.

Tanü session asem lemsar agia liasü aser anepdang session nung Nagaland Legislative Assembly (NLA) Speaker Sharingain Longkumer host liasü aser Fishery & Aquatic Resources Advisor A. Pangjung Jamir-i co-host ama shilem agi.

Iba session nung Mizoram Governor Dr. Hari Babu Kambhampati aser Head of Regional Delegation, South Asia, ICRC, Geneva Kedir AWOL Omar nati tetushi süa jaoker ama shilem agi.

Anüngdang aser nikongdang agiba session nung Deputy Chief Minister, Yanthungo Patton-i host aser Youth Resources& Sports Advisor S. Keoshu Yimchunger-i co-host ama shilem agia liasü.

Session anaprong nung Director General, AR, Lt. Gen. Vikas Lakhera, AVSM, SM, aser Director (A&F), NHIDCL Anshu Manish Khalkho nati tetushi süa jaokertem ama aden.

Kin balalai shilem agirtem:

Konyak Cultural Troupe: We Pheak Wante Lokpu Hem .

Lotha Cultural Troupe: Eramoren Oli Ejon.

Ao Cultural Troupe: Tsüksenba.

Garo Cultural Troupe: Warping Sika Game.

Angami Cultural Troupe: Liephie Pfhe.

Tikhir Cultural Troupe: JihSho Ooh (Mülong Sütok Kin).

Sumi Cultural Troupe: Amalimi Kuphulu.

Chakhesang Cultural Troupe: Rekhu Kha.

Khiamniungan Cultural Troupe: Eioh Yoah.

Kuki Cultural Troupe: Lom Lom.

Zeliang Cultural Troupe: Kalang Kathiubo.

Kachari Cultural Troupe: Bai-Maijai.

Yimkhiung Cultural Troupe: Indigenous top-spinning.

Rengma Cultural Troupe: Song.

Sangtam Cultural Troupe: Kijing Khi.

Pochury Cultural Troupe: Asangsolio.

Phom Cultural Troupe: Chingsang Songola.