25 Mongoya ACCC aser frontal unit ajak loksaogo

Mokokchung, Nov 27 (TYO): Nagaland Pradesh Congress Committee (NPCC)-i PCC züngsem S. Supongmeren Indian National Congress (INC) nungi küm 3 asoshi jentokba dak sentakba nung rongdak senden ka Nov 25 nü mena 25 Assembly Constituency Congress Committee aser frontal Unit ajak loksar ta renemba bangzüng ka 25 Mongoya ACCC tir Nukshi, Mahila tir Amongla aser AYCC tir Limaküm nungertemi sangdong ka ajanga metetdaktsüogo.

“PCC member ka dak iba amai tamendakdak kuli mekai aser khenyongi akhümtsübu melii tashiyim agi jentokba asoshi tejashiba sayua iba telemtetba ya agir” ta parnokisa ashi.

“PCC züngsem ka iba amai jentokba mapa ya ajanga party kodanga meyangertettsüsa loksar” ta kasa senden nung renemba parnokisa metetdaktsü.