25MP selfie camera aketba Realme U1 introduce süogo

Luchii/December 02 (Agencies): Taküm küm Rongjui/September nung smartphone yangluba company Realme-i ‘Realme 2 Pro aser Realme C1’ sayaa liasü. Tang, India nung company-i parnok indang U-Series kübok Realme U1 smartphone sayaba sangdongogo.
U1 smartphone nung MediaTek Helio P70 chipset den ARM G72 GPU tasenba inoka yabnglutsüogo. Tang, phone nung iba feature inoka yanglutsüba ji company indang mezüng handset asütsü.
Android 8.1 Oreo nung amendaker yangluba ColorOS 5.2 ajanga iba handset run asütsü. Smartphone nung tasazük inch 6.3-inch full HD+ display den 19.5:9 aspect ratio keta lir aser screen-to-body ratio shilem 90.8 asütsü.
Memory atema, iba device nung 3GB/4GB RAM aser 32GB/64GB inbuilt storage keta aliba angutsü, koba microSD card ka ajanga 256GB tashi atsülanga amshitetttsü. Handset nung 3500mAh battery ka ajanga tashi agütsür.
Realme U1 tesülen dual camera setup lir, sensor kaji 13MP f/2.2 aser tanabuba sensor ji 2MP f/2.4 asütsü, koba LED flash kati yarisemtsü. Smartphone nungsa feature tem talisa, Slo-Mo video recording feature keta lir aser aji 90fps (frames per second) tashi tangoktetter. Iba den külemi camera nung AI Scene Detection, Portrait Lighting aser Bokeh effect tem inoka yanglutsü.
Selfie jangrartem atema, handset tejaklen 25MP Sony sensor den f/2.0 aperture, 1.8-micron pixels aser 4-in-1 pixels tech keta aliba angutsü. Tejaklen camera nung Backlight mode aser AI Beauty+ mode densema lir.
Connectivity tsütsü reprangdangra, iba handset nung Wi-Fi, Bluetooth, GPS, micro-USB port den OTG aser 3.5mm audio jack densema lir. Security atema, U1 nung AI Face Unlock system aser tesülen fingerprint sensor keta aliba angutsü.
Realme U1 3GB RAM variant jenjang sen 11,999 aser 4GB RAM variant sen 14,499 asütsü. Handset ya Ambitious Black, Brave Blue aser Fiery Gold sentsü nung Luchii/December 5, 2018 nü 12:00 ako nungi tenzüka Amazon ajanga angutsü.