27th LMT: Nyenshen FC final-i iogo

Dimapur, Mongputeni/October 23 (TYO): Tang tasayadak Loyem Memorial Trophy mezüngbuba semi-final nung Nyenshen FC-i goal 6-0 agi Hügel Hifliers koka final-i iogo. Iba asayamung ya Loyem Memorial Ground, Tuensang nung asayadaki.
Mezüngbuba semi-final asaya nung Hügel Hifliers pur defending champions-i ajemalushidaktsüogo. Goal agütsüba aser asaya na khenyongi balala liasü aser lanur asayartemi asaya mezüngbuba shilem nung kanga timtem agüja liasü, saka tajangshiba peria bener aliba team tatem nungbo tajungba liasü.
Asaya nung mezüngbuba goal ya Mongko-i mezüngbuba minute nung idaktsü. Iba sülen Torito o Pete nati minute 34 aser 40buba nung goal kaka idakja asaya mezüngbuba shilem tembang.
Asaya tanabuba shilem nung maneni Nyenshen nungi asayar Imlong Chaba-i minute 66 aser 85buba nung goal ana idaktsü aser Alaomei-i minute 87buba nung goal ka idakja parnoki asaya ayong ayonga akok.
October 24 nü tanabuba semi-final:
DEF, Tuensang Vs Khulio King @ 1:00 pm