28 AR-i sen 65,000 jenjang yi apu

Dimapur, January 25 (TYO): Wokha-Merapani state Highway foot hill lenmang garitem mita reprangdang 28 Assam Rifles-i Assam nungi Nagaland-i shibelenba Indian Made Foreign Liquor (IMFL) yi aika puogo.
Assam Rifles check post nung Bolero gari Regd No. AS 06 AC 0612 sota reprangdang gari nungji yi miima bena liasü. Iba gariji Wokha district kübok Bhandari nung alir Yiadsapen Kikon meyong liasü.
Yi case 22 nungji yi pongdang 408 liasü aser ibaji sen 65,000 shi jenjang asütsü. Yi kibur Yiadsapen Kikon den yiji January 24 nü Bhandari Police Station ket nung agütsüogo aser Assam Rifles-i pa anema Bhandari Police Station nung FIR ka benokogo.