28 AR-i Wokha nung “Career in Army” lecture agi

Dimapur, April 6 (TYO) : April 5, 2016 nü 28 Assam Rifles-i Mount Tiyi College, Wokha kaketshirtem atema “Career in Army” ta ser lecture ka ayongzüka agi.
Iba tesem nung school aser college kaketshir aser tesayurtemi aiben metenünüa asüngdangba atema iba lecture sentong ayongzüka agitsü apitet. Ano district kübok yimtsüng balala nung arua azüngertem dang Army mapa aser talisa NDA/IMA/OTA meteta lidaktsütsü nükjidong nung sentongji ayongzüka agi.
Iba sentong nungsa kaketshirtem dang Indian Army indang infantry weapons sayu.
Iba sentong tajung ayongzüka agiba atema Wokha district nung civil administration-i 28 Assam Rifles dang pelaba metetdaktsü.