28 AR-i Wokha nung prangpong aser yi apu

Dimapur, July 01 (TYO): Wokha tsütsüleni gari ka nung temesepba osettem bener arudar ta osang ka angazükba sülen June 29, 2017 nü HQ IGAR (North) kübok 28 Assam Rifles-i checkpost ka amenoka liasü, ajisüaka checkpost aliba osang angazüka melung melemi alirtem jagi gariji meyiper ajen, ta tanü Lt Col Amitabh Sharma HQ IGAR (North)-i sangdong ka nung metetdaktsü.
AR sepaitemi gari anenba tesemji mita aodang kilentzü aodak anasa plastic yangkhu ka den rice cooker ka indoka angu, aser cooker telung nungji pt 32 pistol ka den pt 22 pistol injang pezü liasü, iba den külemi beer pongdang 48 angu, ta kasa sangdong nungsa metetdaktsü.