28 buba Leo Club Inter School TT asayamong tembangogo

Dimapur, October 04 (TYO): Defending champion, Ram Janaki Higher Secondary School (RJHSS) kaketshir, Jay Gurung-i 28 buba Leo Club Inter School Table Tennis asayamong tebur singles shilem indang takok marok tanü Deobar nü agizükogo.
Gurung-i tanü points 11-1, 11-3, 11-3, 12-14, 11-5 agi Holotoli School kaketshir, Gaurav Sethi madak final asaya akokba sülen tan agi iba takok marok küm 3 tashi atonga agizüker asayar aküm.
Tebur doubles shilem nung Delhi Public School kaketshir, Saurav Jain aser Nikhil Jain nati külem schoolpur, Subhas Jain aser Jayant Jain na final asaya nung tsükdakja takok marok agizük.
‘Tobacco amongst youth in Nagaland’ omen nung ajemdaker agiba slogan tetoktepba nung St. Paul Higher Secondary School (SPHSS) kaketshir, Newly-i mezüngbuba; Pranab Vidyapith Higher Secondar School (PVHSS) kaketshir, Elizabeth Pammei-i tanabuba aser MGM Higher Secondary School (MGMHSS) kaketshir, Kewitingwang-i tasembuba jenjang agizüka liasü.
Kasa shilem nung SPHSS-i tetokteper timba yokba sempet agizük.
Ano külen, Don Bosco Higher Secondary School (DBHSS)-i tan asayamong nung Best Disciplined Team sempet agizüka liasü.
“Lanurtem talisa, kaketshirtemi par sempet sayutsüsa sabang tajung renemtsüba atema Leo Club Dimapur dang pelar. Saisapongba ajanga kin balala rong nung tesendaktep jungdaktsüba den külemi, asayartem nema temba ayimtsü maongka tajung agütsür,” ta tanü asayamong tembangba sentong nung tongti tesemdanger, Nagaland MLA, Tovihoto Ayemi-i metetdaktsü.
Tesülen tongti tesemdangeri tan asayamong nung takok angurtem nem sempet lemshia agütsü.