28 buba NTA Championship Kohima nung asayatsü

Kohima, August 05 (TYO): Nagaland Taekwondo Association (NTA) teloki ayonger külen 28 buba Nagaland State Taekwondo Championship tan August ita 13 nü nungi 15 nü tashi Kohima kübok Indira Gandhi Stadium nung asayatsü renemogo.
“Iba asayamong nung district shia nungi shilem agitsü ajungshir,” ta NTA General Secretary Lhouliebei-o Khezhie-i tanü sangdong ka ajanga metedaktsüogo.
Iba asayamong indang osang tali jangjashitsü asoshi Theja Keretsu den mobile no. 9436845163 ajanga mesüra Visebeiu Peseyie den mobile no. 9436061480 ajanga tongtepratsü olen ka pai metetdaktsü.