28 buba Pilgrim School Annual Sports Meet tenzüker

Dimapur, November 03 (TYO): Tanü, Brehostibar nü nungi tenzüka, Dimapur nung tentetba Pilgrim School-i par 28 buba Annual Sports Meet agitsü tenzükogo.
‘Health Through Sports’ omen nung ajemdaker agiba asayamong lapokba sentong nung Retd Chief Manager, SBI & Nagaland Tennis Association General Secretary, David Kire tongti tesemdangser aser Super Fight League Challenges Season 1 (India’s first MMA reality TV show) takokba ajangzüksang, Issac Kario tepela tejaoker liasü.
Asayamong lapokba sentong nung kaketshirtemi March Past, Drill Display aser Rifle Drill sentongtem agia laisü.
“Nisung ka taküm nung temang anema alitsüji kanga dang tongtipang,” ta shia, kaketshirtemi saisapongtsü yimya tajungtiba amshia, tetoktepba balala nung shilem agitsü tajungshiba olen ka tongti tesemdangeri metetdaktsü.
Tan asayamong tan November ita 5 nü tembangba jakdang kaketshir tsüraburtem atema tetoktepba kar ayonga agitsü renema lir.