Mumbai, July 14, 2016 : Pai tang shilem agia aliba TV drama series “24: Season 2” ajungkettsü atema film actor Anil Kapoor-i Churchgate, Mumbai nungi local train ka nung mener ao.

Anil-i iba local train nung mena alirtem den sensak asemba noksa aika twitter ajanga lemsatepogo.

“24 India: Season 2” ya Churchgate local train nung ajungket!!! Tanü nisung aika ni mapa menudaktsür alitsü amai bilemer, ta pai Brihostibarnü twitter ajanga ashi.

American TV sentong “24” mesüka India nung yanglushir adokba “24 India: Season 2” nung Anil-i Jai Singh Rathod ama shilem agia lir.

Iba drama ya Colors channel nung July 23, 2016 nü nungi sayutsü. Kasa drama nung Sikandar Kher, Surveen Chawla, Sakshi Tanwar aser Ashish Vidyarthi nungeria shilem agia lir.