29 buba ANSKA Annual State Level Tournament 2016 tenzükogo

Dimapur, November 02 (TYO): All Nagaland Shaolin Kung-fu Association (ANSKA)-i ayonger külen par 29 buba Annual State Level Tournament 2016 asayamong Dimapur kübok Dimapur Indoor Stadium nung tanü, Bodbar nü nungi tenzüka asayatsü tenzükogo.
“Shaolin Kung-fu ya shisatsü aser temang anema yutsüba tongti saisapongtsü shilem ka lir. Naga nungeri martial arts tesayuba angazükba ajanga pei taküm tazüokba nung ayuba den pei temang aser tekoloka tajungtiba jenjang nung yutettsü,” ta shia, asayartemi saisapongtsü yimya tajungtiba amshia, tan tetoktepba nung shilem agitsü tayongzükba olen ka tongti tesemdanger, Nagaland nungi Lok Sabha MP, Neiphiu Rio-i metetdaktsü.
Anogo 2 agia asayatsü ayongba asayamong nung Nagaland kübok district 11 nungi asayar 220 tashi shilem agitsü tenzüka lir.
Iba asayamong shibangba sentong tan November ita 3 nikongtsütsü 3:00 ako nungi tenzüka agitsü aser iba sentong nung tetushi tejaoker atema Dimapur Deputy Commissioner, Kesonyu Yhome (IAS) jaoka lir.