29buba Pilgrim Higher Secondary Dimapur Sports Meet agiogo

Dimapur, November 01 (TYO): October 26 aser 27, 2017 anogo nung Pilgrim Higher Secondary, Dimapur Sports Meet agiogo. Iba asayamung nung tongti tesemdanger ya Vishal Chauhan (IPS) ACP, West Police Station liasü. Iba sentong tenzükba mapang kaketshirtem den jembidang tongti tesemdangeri temang anema aliba onük nungi jembi. Iba asayamung lapokba sentong nung telok pezü – Purple Falcons, Green Hornets, Yellow Dolphins aser Pink Panther – nungi aser NCC cadet temi March Past agia liasü. Iba den külemi Bhangra dance aser Choral presentation liasü.
Iba asayamung ya senior boys 100 m sprint agi tenzük aser iba sülen 200, 400 aser 800 m race, Long Jump, Shot Put, Dressing up the Couple Race, Bucket Race amala tetoktepba liasü.
Iba asayamung tananübuba nung Relay Race aser Sack Race amala agi.
Asayamung tembangba sentong nung taoba mapang iba kaket reju nung tesayur inyaka alisang, Athiubo Kaurinta 2nd O/C, Sub Urban Police Station, Dimapur tetushi tejaoker liasü. Iba asayamung nung Green Hornets telok ya Champions of Pilgrim’s 29th Annual Sports Meet liasü.