2buba NAGALAND HONEY BEE anogo mungogo

Dimapur, Luchii/December 5 (TYO): December 5nü Heritage, Old DC Bungalow, Kohima nung 2buba Nagaland Honey Bee Day mungogo. Iba sentong ya ‘Save Bee Save Life’ omen nung ajemdaker agi. Iba sentong ya North East Council (NEC) teyari nung Nagaland Beekeeping & Honey Mission (NBHM)-i ayongzüka agiogo.
Iba sentong nung alakteta jaokerji Chief Secretary, Temjen Toy IAS liasü aser pai state nung ninang takok ngua metsü yonga aoba atema Nagaland Honey Bee Mission tenzükertem nem tenüngsang agütsü. Paisa, state nung ninang mochitzü tali adokdakja Nagaland ya Honey destination ka kümdaktsütsü asoshi NBHM dang maneni meranga inyaktsü ajungshi.
Joint secretary APC Cell and SPD FOCUS IFAD, S. Tainiu Khiam-i o tatsüka jembiba mapang, December 5 nü ya Nagaland Honey Bee Day ama sangdongba atema state sorkar dang pelaba lemsatep.
Sentong nungsa alakteta jaokeri State Level aser District level Best Beekeepers aser Best Village Beekeeping committee senpet sen 10000 den kuli kaket agüja liasü. Item senpetem ya jenjang asem küma lemsar agütsü; District jenjang nung Dimapur District, Pherima yimtsüng nungi Shehuto Zhimomi, New Vongti, Kiphire District nungi Kiusangthong, Nerhema Village, Kohima District nungi Kevizelie Pienyu, Yangching village, Longleng District nungi Yampa, Chungtia village, Mokokchung District nungi Nungsangwati Kichu, Monyakshu village, Mon District nungi K. P. Sangte, Punglwa Village, Peren District nungi Juhie, Khosomi village, Phek District nungi Thupuruyo, Yakor village, Tuensang District nungi Hekiamong Yimchunger, Longsa village, Wokha District nungi Wopon Kikon aser Phuye new village Zunheboto District nungi Hetoye Yeptho nunger nem award agütsü. State aser District level award ya Chirayi Khutasmi village, Phek District nem agütsü aser State level award for best village Bee Keeping Committee ya Tuensang District nungi Yakor Village nem agütsü.
Kasa sentong nung ‘My Bees are Stingless’ ta nüngja agütsür Nagaland nung stingless bee metsüba documentary film tatsüka sayu.
Nagaland Angh R.N.Ravi-ia Heritage tesem semdanga ninang metsürtem aser ketdangsertem den sensak asem, ta ketdangser sangdong ka ajanga metetdaktsü.