2buba NLSUC Annual Gathering den Freshers’ Social agiogo

Dimapur, Mongputeni/October 01, 2019 (TYO): Rodem House, Vikas Nagar, Nayagaon, Chandigarh nung September 28, 2019 Honibarnü Nagaland Students’ Union Chandigarh-i 2buba Annual Gathering den Freshers’ Social sentong ayongzüka liasü, ta osang ajanga metetdaktsü.
Iba sentong ya ‘Rooted Together for Unity’ omen nung ajemdaker agia liasü.
Iba sentong nung tongti tesemdangerji IAS (Retd) & Renowned Motivational Speaker, Vivek Atray liasü.
Sentong nung Vivek-i jembiba mapang pai, “Taküm nung chichiba alizüngji pela alibaji asütsü. Taküm ya temaitsü indang masü saka temaitsü tajung yanglua ayuba taküm asütsüla,” ta ashi.
O jembiba sülen, extravaganza nite sentong ayongzük, kong kaketshirtem, züngsemtem aser tejaokertemi ken, tsüngsangba aser Naga nunger sübosülemtsü show densema sentong balala agia liasü.
Tanabuba session nung Freshers’ Social sentong agi, kong 2buba NLSUC Mr. & Miss Fresher 2019 tetoktepba nung Meshenti Tep aser Hikili Sumi nati Mr. & Miss Fresher takok angu.
Iba sentong tembanga NLSUC, President, Chumroba J Sangtam-i anir telok sarasadem agia liasü.
2buba NLSUC Annual Gathering den Freshers’ Social sentong nung kaketshirtem, züngsemtem, tejaokertem, temulungertem aser tongtibang nisungtem densema nisung 130 jungna aruagi dena liasü.
Tarutsü nung Nagaland nungi tejangrartem, Chandigarh tesemi arua telung aser temüket metetnüra, tsünglanglen agüja aliba ph.no nung tongtepratepang: President – Chumroba J Sangtam (8847431879) aser General Secretary – Vizayielie Motonyü (9056597030).