2buba Northeast India Fashion Week nung Naga nunger designer tem wangshiogo

Dimapur, September 04 (TYO): Arunachal Pradesh yimtiba, Itanagar nung tawa tembangba 2buba Northeast India Fashion Week nung Naga nunger Designer ka kanga wangshiogo.
Dimapur nungi designer, Ongtiong Kichu-i pa arishi küm 14 asüdangyongi designing jangraa maparen tenzüka liasü.
Designing nung pa formal training tera dang agi saka pai designs tajung purapitetba ajanga temaba jenjangi maneni atur. Pai contemporary fusion den north-eastern tribal patterns aser free flowing fabrics nung rangloker inyaker.
Pa atema Fashion ya Statement ka lir, koba ajanga süoshi asemba dang masü saka nisung ka maitsü sayar.
Wokha nungi Designer, Gloria Ovung atema Fashion designing ya Tsüngrem nungi anguba sempet ka lir. Lai designing tenzük aser lanuwayongi lasasa purapiteta yanglur.
Lai designing aser purapiteta yanglubaji la asodang nungi aliba sempet ka lir ta agizüker. Tetsüi sü atakba ngua lai designing jangra aser Naga nunger fabrics ajanga süoshi yanglu tenzük.
La maparen nung lar tsüraburtemi la kanga ajungshia nungiter aser la dang ibaji la akümli piyong la maparen ka asütsü ajungshir.
Lai Guwahati nung designing course agi, aser lai, ‘Iba ya tetenzüker ka dang lir, anogo lenmang talangka lir aser ni maneni kü nükjidong arshitsü,” ta ashi.
Fashion Week nung Naga Handloom sentong ka liasü aser iba sentong nung designer Gloria aser Ontiong nati tribe balala indang collection saya, aser item show nung Naga nunger Supermodel, Opang Jamir kanga wangshiogo. Opang Jamir ya Northeast India Fashion Week Official Show-Director & Choreographer liasü. Opang-isa Rajasthan nungi Designer, Archana Kabra aser Desinger, Nana Gona indang collection-a sayaja liasü.