3 AR-i band ayongzük

Kohima, Tsüklai/February 06, 2020 (TYO): IG Stadium, Kohima nung Hav Mahendra Singh tawabangba kübok 24 Nagaland (I) Coy NCC, 3 Assam Rifles band sepaitemi achaayanga tagidak aliba CATC-113 sentong balala den repsema NCC cadets atema band sentong ka ayongzüka liasü, ta PRO (Defence) sangdong ka ajanga Lt Col Sumit K Sharma-i metetdaktsü.
Iba band sentong nung Cadets 450 aruagi dena liasü. AR-i ayongzükba band sentong ya cadets timba kati mezüng ngudanga aser ajangshia liasü, ta kasa sangdong ajanga metetdaktsü.
Iba mapang band temi pei nem lemzüktsüa kongki tem amshia aser parnoki liromedema drill ayiba yimyatem ngua Cadets tem süngmangdaktsüogo.
Maneni, iba sentong nung 24 Nagaland (I) Coy NCC Kohima, Commanding Officer, Col Daniel Lotzem-i camp nung shilem agir NCC Cadets ajak tenüng nungi Col Debaraj Bhattacharya Commanding Officer aser 3 Assam Rifles dang pelaba metetdakja liasü, ta kasa sangdong ajanga metetdaktsüogo.