3 AR-i NSCN (K) züngsem ka apu

Kohima, May 28 (TYO): Osang ka lazükba sülen HQ IGAR (North) kübok 3 Assam Rifles sepaitemi May 25, 2017 nü Kohima nung South Point Market anasa BOC nung NSCN(K) nungi Raja Peyu, Imti Ao apu, ta tanü Assam Rifles-i sangdong ka nung metetdaktsü.
Pua alisangi State sorkar department balala aser tang teyangludak NH-29 (Kohima-Dimapur) four laning indang contractor tem dang nungi sen akhangba nung shilem agiba nangzükogo, ta Assam Rifles sangdong nungsa shia lir.
Maneni bushisüngdangtsü atema pa den pa ket nungi apubatemji May 26, 2017 nü OC, South Police Station, Kohima ket nung agütsüogo, ta sangdong nungsa shia lir.