3 buba 10-Northern Angami T20 Bash osang

Kohima, April 02 (TYO): North Block Warriors,  Lower Bayavü Giants, T.Khel Knights aser High School Daredevils teloktemi takok ngua tang tasayadak 3 buba 10-Northern Angami Twenty20 (T20) asayamong semifinal asayatsü jenjang tanü, Honibar nü ajangzükogo.
Tanü mezüngbuba quarterfinal asaya nung Warriors teloki wicket 9 agi Upper L. Khel Riders telok akok aser runs 14 yangluba den külemi, wicket 4 agisang, Khriesavituo-i Man of the Match sempet agizük.
Giants telokia runs 47 agi RS Challengers telok madak tanabuba quarterfinal asaya akok aser Tapitu-i Man of the Match sempet angu.
Knights teloki runs 55 agi Zienuobadze High Flyers telok tasembuba quarterfinal asaya nung tsükdaktsü aser Mukham-i runs 29 yangluba den külemi, wicket 1 agia Man of the Match sempet agizük.
Pezübuba quarterfinal asaya nung Daredevils teloki runs 42 agi Middle Bayavü telok akok aser Temsu-i Man of the Match sempet angu.
April 4 nü semifinal asaya yamai alitsü:
Lower Bayavü Giants vs North Block Warriors @ 9am
High School Daredevils vs T. Khel Knights @ 12:30pm